ඥාණසාර හිමිට දඬුවම් නියම කිරීම අද


gnanasara-thero

මාධ්‍යවේදී ප්‍රගීත් එක්නැළිගොඩ මහතා අතුරුදන් කිරීමේ නඩුව විභාගයට ගැනීමෙන් පසු අධිකරණ භූමියේ දී ඔහුගේ බිරිය සන්ධ්‍යා එක්නැළිගොඩ මහත්මියට මරණීය තර්ජන එල්ල කිරීමේ චෝදනාවට වැරදිකරු කළ බොදුබල සේනා සංවිධානයේ ලේකම් ගලගොඩඅත්තේ ඥාණසාර හිමිට දඬුවම් නියම කිරීම හෝමාගම මහේස්ත්‍රාත් අධිකරණයේ දී අද සිදු කිරීමට නියමිතය.

එක්නැළිගොඩ මහත්මියට මරණීය තර්ජන එල්ල කිරීම සම්බන්ධයෙන් ඇය හෝමාගම පොලිසියට පැමිණිලි කිරීමෙන් පසු ඥාණසාර හිමිට එරෙහිව නඩු පැවරීමට පොලිසිය කටයුතු කළේය. ඒ අනුව පැවැති නඩු විභාගයකින් පසු එම චෝදනාවට ඥාණසාර හිමියන් වැරදිකරු බව අධිකරණය තීරණය කළේය. ඥාණසාර හිමියන්ගේ ඇඟිලිසලකුණු ගැනීම සහ දඬුවම් නියම කිරීම අද සිදු කිරීමට නියමිතය.

මෙම අවස්ථාවේදීම ඥාණසාර හිමියන් අධිකරණයට අපහාස වන අන්දමින් හැසිරීම සම්බන්ධයෙන් එවකට හෝමාගම මහෙස්ත‍්‍රාත්වරයා ලෙස කටයුතු කළ රංග දිසානායක මහතා අභියාචනාධිකරණයට පැමිණිලි කොට ඇත.

Leave a Reply

Your email address will not be published. Required fields are marked *

*